Mandat for brukar- og pårørandeutval i Helse og meistring (HEM)

Saken, kort forklart

Forslaget innfører eit felles mandat for brukar- og pårørandeutval i Helse og meistring (HEM) i Vinje kommune for å sikre systematisk medverknad frå brukarar og pårørande, i tråd med lovkrav og nasjonale faglege råd. Utvala skal vere rådgjevande, gi innspel til kvalitet, tryggleik og utvikling, fremje brukar- og pårørandeperspektiv i planarbeid og leggje til rette for dialog mellom brukarar, pårørande, tilsette og leiing. Utvala skal ikkje handsame enkeltsaker, fungere som klageorgan eller ta avgjerder for kommunen. Kommunalsjef skal årleg samle leiarane for utvala og rapportere arbeid til politisk utval.